बिहानी धाम झुल्किनु  अघि हिँड्नु छ खेतमा
जुवा छ काँधमा हलो छ हातमा दुई गोरु साथमा ।

माटोको घर त्यसमाथि खर अहिले टिन छ
गोठमा बाख्रा, गाई र भैँसी रमाइलो दिन छ।

गइन्थ्यो वन गाइन्थ्यो गीत जो आफ्नै लयमा
छैनन् है कोही गोठालो अब हिँड्नलाई साथमा ।

गाउँले आउँथे लगाउँथे देउडा चाड र पर्वमा
माया र याद छोडेर गए मुटुको मर्ममा।

अँध्यारो रातमा आउँथ्यो जून बिजुली चम्कियो
उज्यालो भई प्रविधियुक्त गाउँ नै घन्कियो ।

नजाऊ अन्त बस है गाउँमा विकास हुँदै छ
विकासको गति बढेर अब हिमाल छुटै छ ।