‘नमुना’ गाउँ र सहरको सूची आउने, तपाईंको स्थानीय तह चयन होला ?

Categories:

-

काठमाडौँ, ८ साउन । नेपाल सरकारले देशभरका ७५३ वटै स्थानीय तहको कार्यसम्पादन मूल्याङ्कन प्रणालीमा व्यापक सुधार गर्दै एकीकृत र वैज्ञानिक विधि लागू गरेको छ। सङ्घीय मामिला तथा सामान्य प्रशासन मन्त्रालयले असार २ गते ‘स्थानीय शासन कार्यसम्पादन मूल्याङ्कन (व्यवस्थापन तथा सञ्चालन) कार्यविधि, २०८२’ जारी गर्दै चालु आर्थिक वर्षदेखि यो प्रणाली कार्यान्वयनमा ल्याएको हो।

नयाँ कार्यविधिको कार्यान्वयनसँगै विगतमा प्रयोगमा रहेका तीनवटा छुट्टाछुट्टै मूल्याङ्कन प्रणाली — स्थानीय तह संस्थागत क्षमता स्व–मूल्याङ्कन, वित्तीय सुशासन जोखिम मूल्याङ्कन, र आर्थिक विकास मूल्याङ्कन — खारेज गरिएका छन्। अब देशभरका सबै स्थानीय तहको मूल्याङ्कन एउटै प्रणालीअन्तर्गत हुनेछ।

यस कार्यविधिले मूल्याङ्कन प्रक्रियालाई पारदर्शी, प्रविधिमैत्री र वस्तुनिष्ठ बनाउने लक्ष्य राखेको छ। मन्त्रालयले ‘स्थानीय शासन कार्यसम्पादन मूल्याङ्कन प्रणाली (एमलजीपीएस)’ नामक सफ्टवेयरमार्फत मूल्याङ्कन सञ्चालन गर्नेछ। प्रत्येक गाउँपालिका वा नगरपालिकाले आर्थिक वर्षको अन्त्यमा आफ्नो कार्यसम्पादनका सूचकहरूको आधारमा स्व–मूल्याङ्कन गरी प्रणालीमा विवरण प्रविष्ट गर्नुपर्नेछ।

जिल्ला समन्वय समितिले ती विवरणको पृष्ठपोषण गरी असोज १५ भित्र प्रतिवेदन फिर्ता पठाउनेछ। त्यसपछि स्थानीय तहले असोज मसान्तभित्र मन्त्रालयमा अन्तिम प्रतिवेदन पठाउने र मन्त्रालयले पुस मसान्तभित्र मूल्याङ्कनको अन्तिम नतिजा सार्वजनिक गर्नेछ।

मूल्याङ्कनका लागि सुशासन, सामाजिक विकास, आर्थिक विकास, पूर्वाधार, र वातावरण तथा विपद् व्यवस्थापन गरी पाँच मुख्य क्षेत्र निर्धारण गरिएको छ। यी क्षेत्रभित्र १०० वटा सूचक रहेका छन्, जसको आधारमा स्थानीय तहलाई पाँच श्रेणी — सर्वोत्कृष्ट, उत्कृष्ट, मध्यम, कमजोर र अतिकमजोर — मा वर्गीकृत गरिनेछ।

उत्कृष्ट प्रदर्शन गर्ने ५ गाउँपालिका र ५ नगरपालिका ‘नमुना’ घोषित हुने छन् भने प्रदेश र जिल्ला स्तरमा पनि उत्कृष्ट स्थानीय तहलाई कदरपत्र र पुरस्कार प्रदान गरिनेछ।

📋 स्थानीय तह मूल्याङ्कन प्रणाली २०८२

७५३ वटै स्थानीय तहको मूल्याङ्कन एकीकृत प्रणालीबाट


🆕 के के परिवर्तन आए?

  • ✅ तीन पुराना मूल्याङ्कन प्रणाली हटाइयो
  • ✅ अब एउटै एकीकृत प्रणाली कार्यान्वयन
  • ✅ एमलजीपीएस सफ्टवेयरबाट स्वचालित मूल्याङ्कन

🔁 मूल्याङ्कन प्रक्रिया

  1. स्थानीय तहले स्व-मूल्याङ्कन गरी डेटा प्रविष्ट
  2. जिससले असोज १५ भित्र पृष्ठपोषण
  3. मन्त्रालयमा असोज मसान्तभित्र अन्तिम प्रतिवेदन
  4. पुस मसान्तमा सार्वजनिक नतिजा

📊 मूल्याङ्कनका क्षेत्र (५)

1️⃣ सुशासन तथा संस्थागत विकास
2️⃣ सामाजिक विकास
3️⃣ आर्थिक विकास
4️⃣ पूर्वाधार विकास
5️⃣ वातावरण र विपद् व्यवस्थापन

🏆 मूल्याङ्कन श्रेणी (१०० मा आधारित)

श्रेणी अंक सीमा रङ्ग संकेत
सर्वोत्कृष्ट ९०+ 🟢
उत्कृष्ट ७५–८९ 🔵
मध्यम ५०–७४ 🟡
कमजोर ३५–४९ 🟠
अतिकमजोर ३५ भन्दा कम 🔴

🎖 पुरस्कार कसलाई?

  • ५ नमुना गाउँपालिका + ५ नगरपालिका (देशभरबाट)
  • प्रत्येक प्रदेशबाट ३ उत्कृष्ट तहहरू
  • प्रत्येक जिल्लाबाट १ उत्कृष्ट गाउँ/नगरपालिका
  • कदरपत्र र पुरस्कार प्रदान गरिनेछ

🧩 संस्थागत संयन्त्र

  • 📌 निर्देशक समिति
  • 📌 सहजीकरण समिति
  • 📌 स्व–मूल्याङ्कन समिति

© २०८२ | स्रोत: सङ्घीय मामिला तथा सामान्य प्रशासन मन्त्रालय

प्रतिक्रिया दिनुहोस्
spot_img

भर्खरै

साहित्य