रवि लामिछानेलाई थुनामा पठाउने आदेश, अदालतको निर्णयले राजनीतिमा तरंग

Categories:

-

काठमाडौं, २२ चैत । राष्ट्रिय स्वतन्त्र पार्टीका सभापति तथा सांसद रवि लामिछानेलाई उच्च अदालत बुटवलले थुनामा पठाउने आदेश दिएको छ। सहकारी ठगी प्रकरणमा संलग्न भएको अभियोगमा जिल्ला अदालत रुपन्देहीले उनलाई १ करोड धरौटीमा छोड्ने आदेश दिएको थियो, तर सो आदेशलाई उच्च अदालतले उल्ट्याउँदै उनलाई थुनामा राख्न निर्देशन दिएको हो।

बुटवल उच्च अदालतका न्यायाधीश रमेश ढकाल र स्वीकृति पराजुलीको संयुक्त इजलासमा सुनुवाइ सकिएपछि शुक्रबार लामिछानेलाई थुनामा पठाउने निर्णय सुनाइएको हो। यसअघि, सोही प्रकरणमा सह-अभियुक्त मनोज जोशीलाई जिल्ला अदालतले थुनामा पठाएको थियो।

सुप्रिम सहकारी ठगी प्रकरणमा लामिछानेमाथि १ करोड धरौटी माग गरिएको थियो। अदालतको पछिल्लो आदेशपछि उनका समर्थकहरू विरोधमा उत्रिएका छन्। राष्ट्रिय स्वतन्त्र पार्टीका नेताहरूले अदालतको निर्णयप्रति असन्तुष्टि जनाउँदै यसविरुद्ध कानुनी लडाइँ जारी राख्ने बताएका छन्।

यस घटनाले नेपालको राजनीतिक वृत्तमा तरंग ल्याएको छ। लामिछानेमाथि लागेको आरोपले उनको राजनीतिक भविष्यमा असर पार्ने अनुमान गरिएको छ भने अदालतको आदेशले सहकारी क्षेत्रका अनियमितताबारे नयाँ बहस जन्माएको छ।

प्रतिक्रिया दिनुहोस्
spot_img

भर्खरै

साहित्य