काठमाडौँ,१३ फागुन । काठमाडौंबाट ओखलढुंगा जाँदै गरेको बस धुलिखेलमा दुर्घटनाग्रस्त भएको छ। दुर्घटनामा १७ जना घाइते भएका छन्, जसमा दुई जनाको अवस्था गम्भीर रहेको प्रहरीले जनाएको छ।
प्राप्त जानकारी अनुसार बस अनियन्त्रित भई सडकबाट बाहिर खसेको थियो। दुर्घटनाको कारणबारे अनुसन्धान भइरहेको र घाइतेहरूको उद्धार कार्य जारी रहेको धुलिखेल प्रहरीले जनाएको छ। गम्भीर घाइतेलाई थप उपचारका लागि काठमाडौंतर्फ ल्याइएको छ भने अन्य घाइतेहरूलाई धुलिखेल अस्पतालमा प्राथमिक उपचार गरिएको छ।
स्थानीय प्रत्यक्षदर्शीका अनुसार बस तीव्र गतिमा रहेको र मोडमा नियन्त्रण गुमाउँदा दुर्घटना भएको आशंका गरिएको छ। प्रहरीले घटनास्थलमा पुगेर आवश्यक उद्धार तथा अनुसन्धान कार्य गरिरहेको छ।
यातायात सम्बन्धी सुरक्षा तथा बसको प्राविधिक अवस्था कमजोर हुनाले यस्ता दुर्घटनाहरू बढ्दै गएका छन्। स्थानीय प्रशासनले यात्रु सुरक्षालाई मध्यनजर गर्दै सवारी साधनको निगरानी बढाउनुपर्ने आवश्यक रहेको यात्रु तथा सरोकारवालाहरूले बताएका छन्।


