अमेरिकाले नेपालसहित १७ देशको टीपीएस सुविधा खारेज गर्ने निर्णय

Categories:

-

काठमाडौँ,११ फागुन ।अमेरिकाले नेपालसहित १७ देशका आप्रवासीहरूलाई दिइँदै आएको टेम्पोरेरी प्रोटेक्टेड स्टेटस (TPS) सुविधा खारेज गर्ने निर्णय गरेको छ। यस निर्णयले हजारौँ नेपाली आप्रवासीहरूको भविष्य अन्योलमा पारेको छ। नेपाल TPS सुविधा प्राप्त गर्ने देशहरूको सूचीमा छैटौँ स्थानमा थियो, जहाँ करिब ७ हजार ८०० नेपालीहरू लाभान्वित भएका थिए।

सन् २०१५ मा नेपालमा विनाशकारी महाभूकम्प गएपछि अमेरिकाले त्यहाँबाट अवैध रूपमा आएका नेपाली आप्रवासीहरूलाई TPS मार्फत अस्थायी सुरक्षा दिने निर्णय गरेको थियो। भूकम्पले देशमा ठूलो क्षति पु¥याएको थियो, जसका कारण धेरै नेपालीहरूलाई रोजगारी, स्वास्थ्य, र सुरक्षित बासस्थानको अभाव भयो। TPS नीतिले हजारौँ नेपालीलाई कानुनी रूपमा अमेरिका बस्ने अवसर दियो।

TPS अन्तर्गत रहेका नेपालीहरूलाई अस्थायी रूपमा अमेरिका बस्ने र काम गर्ने अनुमति प्राप्त थियो। यसले उनीहरूलाई कानुनी रूपमा रोजगारी खोज्न, परिवार भेट्न, र केहीले स्थायी आवास (ग्रीन कार्ड) को प्रक्रियामा जाने अवसर दियो।

तर अब TPS खारेज गरिने निर्णयले, विशेष गरी अमेरिका बसिरहेका नेपालीहरूमाथि ठूलो असर पार्नेछ। नेपालका लागि TPS को म्याद जुन २४, २०२५ मा समाप्त हुँदैछ। त्यसपछि, TPS मा रहेका ७ हजार ८०० नेपालीहरूलाई अमेरिका छोड्नुपर्नेछ, अन्यथा उनीहरू अवैध आप्रवासी बन्नेछन्।

यस निर्णयपछि अमेरिकी आप्रवासन अधिकारी (ICE) को धरपकड अझै कडा हुने अनुमान गरिएको छ। हालसम्म ३हजार ५०० नेपालीहरूमाथि निष्कासन आदेश जारी भइसकेको छ, जसमा १हाजर ५०० TPS धारकहरू रहेका छन्।

TPS खारेज भएपछि नेपाली आप्रवासीहरूसँग विभिन्न विकल्पहरू रहनेछन्। केही नेपालीहरू नेपाल फर्कनेछन्, तर धेरैले अमेरिका बस्ने उपाय खोजिरहेका छन्। केही TPS धारकहरूले विवाह, रोजगार, वा अन्य भिसा प्रक्रियामार्फत अमेरिका बस्ने प्रयास गर्न सक्छन्। त्यस्तै, केही आप्रवासीहरू वैध कागजात बिना बस्न खोज्न सक्छन्, जसले उनीहरूलाई कानुनी संकटमा पार्न सक्छ।

TPS (Temporary Protected Status) भनेको अमेरिकी सरकारले प्रदान गर्ने एक अस्थायी आप्रवासन सुविधा हो। यो त्यस्ता देशहरूका नागरिकलाई दिइन्छ, जहाँ युद्ध, प्राकृतिक विपत्ति, वा अन्य मानवीय संकटका कारण त्यहाँ फर्किन असुरक्षित हुन्छ। TPS सुविधामा रहेका व्यक्तिहरूलाई अस्थायी रूपमा अमेरिका बस्ने अनुमति, कानुनी रूपमा काम गर्ने अधिकार, र निष्कासनबाट अस्थायी सुरक्षा प्रदान गरिन्छ।

तर TPS कुनै स्थायी आप्रवासन प्रक्रिया होइन। अमेरिकी सरकारले स्थिति सुधार भएपछि यो सुविधा खारेज गर्न सक्छ, जुन अहिले नेपालका लागि हुँदैछ। TPS खारेजीको निर्णयले हजारौँ नेपाली आप्रवासीहरूको भविष्य अन्योलमा पारेको छ। अब नेपालीहरूले अन्य कानुनी बाटो खोज्नुपर्नेछ वा स्वदेश फर्किनुपर्नेछ। अमेरिकी सरकारको आगामी नीतिहरू र नेपाली समुदायका प्रयासहरूले यस विषयमा कस्तो असर पार्छ, त्यो हेर्न बाँकी छ।

प्रतिक्रिया दिनुहोस्
spot_img

भर्खरै

साहित्य