तारकेश्वरमा बस दुर्घटनामा दुई जनाको मृत्यु

Categories:

-

काठमाडौं, १५ मंसिर।काठमाडौंको तारकेश्वर नगरपालिका–८ शेषमती लामबगर शान्तिटोल गेट नजिकै बसको ढोकाबाट खसेर दुई जनाको मृत्यु भएको छ।

मृत्यु हुनेहरूमा नुवाकोटको ककनी गाउँपालिका–५ निवासी ५० वर्षीय सञ्चबहादुर लामा र नुवाकोटकै तादी गाउँपालिका–१ निवासी ५८ वर्षीया सुन्तरी ओझा रहेका छन्।

प्रहरीका अनुसार शनिबार बिहान ढोकाबाट खसेपछि गम्भीर घाइते भएका उनीहरूको त्रिवि शिक्षण अस्पतालमा उपचारका क्रममा ज्यान गएको हो।

सहचालक घाइते, चालक फरार

उक्त घटनामा बसका सहचालक पनि बसबाट खसेर घाइते भएका छन्। उनको राष्ट्रिय ट्रमा सेन्टरमा उपचार भइरहेको छ।

यसैबीच, बसका चालक भने घटनापछि फरार भएको र प्रहरीले उनको खोजी कार्य जारी राखेको जानकारी दिएको छ।

यस दुर्घटनाले सार्वजनिक यातायातको सुरक्षाबारे थप प्रश्न खडा गरेको छ।

प्रतिक्रिया दिनुहोस्
spot_img

भर्खरै

साहित्य