काठमाडौँ, कार्तिक २४ । नेपाली कांग्रेसका महामन्त्री गगन थापाले हाल सामाजिक सञ्जालमा लेख्दै कानुन सबैका लागि बराबर हुनुपर्ने बताएका छन्। उनले भनेका छन् कि राज्यले कुनै पनि व्यक्तिलाई चयनात्मक (selective) दृष्टिकोणले हेर्नु हुँदैन।
उनले विशेष रूपमा सहकारी प्रकरण र जनप्रतिनिधिहरूको मानव तस्करी संलग्नतालाई इङ्गित गर्दै भने, “गल्ती गर्नेले सजाय भोग्नुपर्छ, चाहे ती सत्तासँग नजिक होऊन् वा टाढा, शक्तिशाली हुन् वा साधारण। सबै कानुनी दायरामा आउनुपर्छ।”
थापाले आफ्नो मान्यता कुनै बन्द कोठाको बैठकमा होस्, सार्वजनिक स्थानमा वा सरकारमा, कहिल्यै परिवर्तन नहुने बताएका छन्। उनका यी भनाइहरू कानुनी समानता र विधिको शासनको महत्वलाई पुनः उजागर गर्न लक्षित देखिन्छ।
प्रतिक्रिया दिनुहोस्


