रामेछापको दोरम्बामा पहिरो: ६ जनाको मृत्यु, चार अझै बेपत्ता

Categories:

-

रामेछाप,९ भदौ  । रामेछापको दोरम्बा शैलुङ–३ लेखर्क बस्तीमा शनिबार मध्यराति गएको पहिरोले हालसम्म ६ जनाको ज्यान लिएको छ। मृतकहरूमा स्थानीय विद्यालयकी बाल कक्षा शिक्षिका ३० वर्षीया चण्डीका थापामगर र उनका २ वर्षका छोरा आयुस रहेका छन्। बाँकी चार जनाको पहिचान खुल्न नसके पनि, उनीहरू पहरी परिवारका सदस्यहरू हुनसक्ने अनुमान गरिएको छ।

उक्त पहिरोले ४ वटा घर बगाएको छ भने एउटा पक्की पुल पनि नष्ट भएको छ। घटनामा ४ जना अझै बेपत्ता रहेका छन् र उनीहरूको खोजी कार्य जारी छ। प्रहरी निरीक्षक कौशल न्यौपानेका अनुसार, पहिरोले स्थानीयको पशु धनसमेत नष्ट गरेको छ, जसमा चारवटा भैँसी, तीनवटा गाई, र २९ वटा बाख्रा पनि छन्।

शनिबार राति भीषण वर्षासँगै आएको बाढी र पहिरोले क्षेत्रलाई सडक सम्पर्कविहीन बनाएको छ। स्थानीय खोलाहरूमा आएको बाढीले दुईवटा पक्की पुलमा क्षति पुर्‍याएको र एक पुल पूर्ण रूपमा बगाएको छ। पहिरो प्रभावित क्षेत्रमा उद्धारका लागि प्रहरी बल परिचालन गरिएको छ।

प्रतिक्रिया दिनुहोस्
spot_img

भर्खरै

साहित्य