काठमाडौँ,१२ साउन । बूढानीलकण्ठ नगरपालिकाले बासिन्दाहरूलाई सेवा प्रवाहमा सुधार गर्न आर्टिफिसियल इन्टेलिजेन्स (एआई) सेवा दिने भएको छ ।
नगरपालिकाले आफ्नो वार्षिक विकास कार्यक्रम अन्तर्गत यस महत्वाकांक्षी आयोजनाका लागि ५ लाख रुपैयाँ विनियोजन गरेको छ ।
यद्यपि, यो कदमले बहस सुरु गरेको छ र नगरपालिकाको प्राथमिकताहरूमा प्रश्नहरू खडा गरेको हो । विशेष गरी औपचारिक सञ्चार नीतिको अभाव नगरपालिकालाई यतिबेला खट्केको छ ।
परिभाषित सञ्चार नीतिको अभावले नगरपालिकाका लागि ठूलो चुनौती खडा गरेको छ। स्पष्ट दिशानिर्देशहरू बिना AI सेवाहरूले जनतालाई कस्तो प्रकारको जानकारी प्रदान गर्नेछ, कसरी डाटा सङ्कलन र प्रयोग गरिनेछ, र कुन गोपनीयता उपायहरू हुनेछन्। यी मुद्दाहरू महत्त्वपूर्ण बनेका छन । एआई प्रणालीहरू प्रभावकारी र नैतिक रूपमा कार्य गर्न डेटामा धेरै निर्भर हुन्छन्।
गत आर्थिक वर्ष बूढानीलकण्ठ नगरपालिकाले नगरपालिकाको सञ्चार नीति बनाउन रु पाँच लाख विनियोजन गरेको थियो । तर, विज्ञापन एजेन्सी संचालकको पृष्ठभूमि बाट राजनीतिमा आएका नगर प्रबक्ता नवराज भट्टराइले सञ्चार नीति बनाउदा नगरपालिकाबाट वार्षिक रुपमा प्रकाशन प्रसारण हुने करोडौं रुपैयाँका विज्ञापन र अन्य क्षेत्रमा आफ्नो अभिष्ट पुरा नहुने देखिएपछि संचार नीति बनाउने कार्यक्रम गुपचुप रुपमा स्थगित गरेका थिए ।
संचार नीति नबनाउँदा पनि विनियोजित रकम कसरी खर्च भयो भन्ने विवरण समेत अस्पष्ट रहेको छ ।
स्थानीय बासिन्दाहरूले एआई परियोजनाको पारदर्शितामा चिन्ता व्यक्त गरेका छन्। “हामीले हाम्रो डाटा कसरी प्रयोग र सुरक्षित हुन्छ भनेर जान्न आवश्यक छ। संचार नीति बिना, प्रणालीलाई विश्वास गर्न गाह्रो छ ।” बूढानीलकण्ठका बासिन्दा सुरेश श्रेष्ठले भने।
बूढानीलकण्ठ नगरपालिकाको एआई सेवाहरू समावेश गर्ने कदमले यसको सञ्चालनलाई आधुनिकीकरण गर्न र सेवा प्रवाहमा बृद्धि गर्ने दिशामा एक महत्वपूर्ण कदम रहेता पनि यी लक्ष्यहरू प्राप्त गर्न नगरपालिकाले बलियो सञ्चार नीति बनाउनुपर्नेमा सबैको जोड छ ।
