बौद्धमा लाग्यो नारा ‘गृहमन्त्री राजिनामा दे’

Categories:

-

काठमाडौँ, १३ बैशाख । काठमाडौंको सरस्वतीनिर स्थित निरू किचेनका सञ्चालक निरू पाण्डे आचार्यको हत्याले कपन, सरस्वतीनगर र बौद्धका स्थानीय व्यापारी वर्गमा आक्रोश छाएको छ । घटना घटेको एक हप्ता बितिसक्दा हत्यामा संलग्न व्यक्तिलाई प्रहरीले पक्राउ गर्न सकेको छैन भने हत्यामा संलग्न व्यक्तिलाई पक्राउ गर्न माग गर्दै आज  बिहिबार पनि कपन र बौद्धका व्यवसायी र स्थानीयवासीले   विरोध प्रदर्शन गरेका छन् ।

प्रदर्शनकारीहरूले यस क्षेत्रमा बढ्दो गुण्डागर्दीका बारेमा उनीहरूको चिन्तालाई उजागर गर्दै सरकार र  प्रहरीविरुद्ध नारा लगाएका थिए । ‘व्यापारीलाई सुरक्षा दे, गुण्डागर्दी अन्त्य गर’, ‘हत्यारालाई सार्वजनिक गर’, ‘सरकार किन मौन छ, हाम्रो सुरक्षा कहाँ छ ?’ ‘गृहमन्त्री राजिनामा दे’ जस्ता नारा उनीहरूले लगाएका थिए ।

पाण्डेलाई पसलभित्र छुरा प्रहार गरी हत्या गरिएको र पोष्टमार्टम रिपोर्टमा उनको शरीरमा कम्तीमा १५/२० पटक छुरा प्रहार गरिएको पाइएको छ । हत्याको डरलाग्दो प्रकृतिले धेरै व्यापारी समुदायहरु आफुलाई  असुरक्षित महसुस गरिरहेका छन ।

प्रहरीले घटनाको प्राविधिक र म्यानुअल रूपमा अनुसन्धान भइरहेको जनतालाई आश्वासन दिएको छ । उनीहरूले उपलब्ध स्रोतहरू प्रयोग गरिरहेका छन्, जस्तै CCTV फुटेज, दोषी पहिचान गर्न र उनीहरूलाई कानुनी दायरामा ल्याउन। प्रहरी स्रोतका अनुसार  पाण्डेले लगाएको सिक्री गायब छ । त्यसैले घटनाको कारण लुटपाट हो कि पारिवारिक दुस्मनीहो प्रहरी अन्योलमा रहेको बतायो ।

घटनाको अनुसन्धानमा जिल्ला प्रहरी परिसर, काठमाडौंसहित उपत्यका अपराध अनुसन्धान कार्यालय र बानेश्वरको समेत लागेको हुदाँ घटनाको अनुसन्धानलाई तिव्रता दिई दोषीलाई कानुनी दायरामा ल्याउने अपेक्षा गरिएको छ । स्थानीयहरूलाई थप भ्रम वा विरोध हुन नदिन प्रहरीले अनुसन्धानको प्रगतिबारे जनतालाई जानकारी गराउनु आवश्यक छ।


निरु पाण्डे आचार्यको हत्याले नेपालका व्यवसायी समुदायका लागि अझ राम्रो सुरक्षा उपायको आवश्यकतालाई फेरि उजागर गरेको छ । प्रहरीले अनुसन्धानमा प्रगति नगरेको र पर्याप्त सुरक्षा व्यवस्था गर्न नसकेकोमा व्यवसायीले आक्रोश व्यक्त गरेका छन् । सरकारले यी चिन्ताहरूलाई सम्बोधन गर्न र व्यवसाय सञ्चालन गर्नको लागि सुरक्षित वातावरण प्रदान गर्न कदम चाल्नुपर्छ।

प्रतिक्रिया दिनुहोस्
spot_img

भर्खरै

साहित्य