योजना कार्यान्वयनमा ढिलाइ भएको स्वीकार गर्दै मेयरले जनप्रतिनिधिबाट मागे समाधानकको उपाय

Categories:

-

काठमाडौँ,३० पुष ।टोखा नगरपालिकाको १२ औँ नगरसभाको अधिवेशन सम्पन्न भएको छ, शुक्रबार बसेको बैठकले चालु आर्थिक वर्ष २०७९ र ०८० को स्वीकृत योजना कार्यक्रम र बजेटको कार्यान्वयन अवस्थाको समीक्षा गरेको थियो ।

नगरका उपमेयर मुरारी तामाङले चालु आर्थिक वर्ष २०७९ र २०८० को स्वीकृत योजना कार्यक्रम र बजेटको समीक्षा नगरसभामा प्रस्तुत गरेका थिए । उनले विनियोजित बजेटको २४.६५ प्रतिशत पुँजीगत आयोजनामा र ११ दशमलव ७१ प्रतिशत पुँजीतर्फ खर्च भई कुल १६ दशमलव २ प्रतिशत खर्च भएको जानकारी दिए । उनले ९ सय २६ विकास योजनामध्ये ३ सय ४९ कार्यन्वयन भएको, १ सय ६७ सम्पन्न भएको र अन्य प्रगतिमा रहेको जानकारी दिए ।

उनले आर्थिक विकासमा २०.६२ प्रतिशत, सामाजिक विकासमा १५.८१ प्रतिशत, पूर्वाधार विकासमा १४.१४ प्रतिशत, वातावरण तथा विपद् व्यवस्थापनमा ०.६७ प्रतिशत र संस्थागत विकास, सेवा प्रवाह, सुशासनमा २४ दशमलव ४६ प्रतिशत खर्च भएको जानकारी पनि दिए । सम्बन्धित क्षेत्रहरू। नगरपालिकाले अन्य योजना क्रमशः कार्यान्वयन गर्ने तयारी गरिरहेको बताए ।

नगरपालिकाका योजना तथा कार्यक्रममा धेरै आयोजना भए पनि सीमित संख्यामा मात्रै कार्यान्वयन भएको कार्यक्रममा सहभागी प्रतिनिधिले बताए । वडा नम्बर ८ का वडा सदस्य अनुपकुमार राईले चालु आर्थिक वर्षमा स्वीकृत कार्यक्रमको ३० प्रतिशत पनि कार्यान्वयन हुन नसकेकोमा दुःख व्यक्त गरे । स्थानीय सरकार आए पनि फोहोर फाल्ने, खानेपानी, सडक निर्माणमा ढिलाइ, सडक बत्ती जडानलगायतका विषयमा नगरवासीलाई समस्या रहेको उनले बताए ।

अधिवेशनमा सहभागी अधिकांश जनप्रतिनिधिले यस्तै गुनासो गरेका छन् । महिला वडा सदस्य सविना श्रेष्ठले नगरपालिकाले लक्षित समूहलाई कार्यक्रममा ल्याउन नसकेकोमा दुःख व्यक्त गरिन् । जनताको क्षमता र आर्थिक विकासका लागि योजना स्वीकृत भए पनि कार्यान्वयन हुन नसकेको उनले बताइन् ।

उनले नगरपालिकाले सार्वजनिक सुनुवाइ गरे पनि समीक्षा नगरेको बताइन् । ‘सार्वजनिक सुनुवाइ देखाउनका लागि मात्रै हो । प्रभावकारी हुन सकेन,’ उनले भनिन्, ‘कार्यक्रमहरु ठप्प छन् । कहिलेदेखि लागू हुन्छ।’ उनीसँगै अन्य जनप्रतिनिधिले पनि समितिलाई जिम्मेवारीपूर्वक कार्यान्वयन गर्न माग गरेका छन् ।

कार्यक्रमका अध्यक्ष तथा नगर प्रमुख प्रकाश अधिकारीले पनि कार्यसमितिका सदस्य र जनप्रतिनिधिसँग समस्या समाधानको माग गरेका छन् । उनले जनप्रतिनिधिले समस्याको समाधान दिएमा योजना कार्यान्वयनमा सहज हुने विश्वास व्यक्त गरे । उनले भने, ‘समस्या देखाएर कुरा गरेर मात्रै भएन। मलाई समाधान दिनुहोस्। हामीलाई कार्यान्वयन गर्न सजिलो हुनेछ।’

विभिन्न कारणले योजना कार्यान्वयनमा ढिलाइ भएको उनले बताए । उनले योजना कार्यान्वयन भए पनि नतिजा आउन समय लाग्ने बताए । केही योजनाको समीक्षा भइरहेको र अन्य योजनालाई क्रमशः कार्यान्वयन गर्ने तयारी भइरहेको नगर प्रमुखले बताए ।

प्रतिक्रिया दिनुहोस्
spot_img

भर्खरै

साहित्य