काठमाडौँ,२९ पुष । अवैध जुवाविरुद्धको पछिल्लो कारबाहीमा नेपाल प्रहरीको विशेष टोलीले लोकप्रिय सामाजिक सञ्जाल टिकटक मार्फत जुवा खेलिरहेको अवस्थामा चार जनालाई पक्राउ गरेको छ ।
गोप्य सूचनाका आधारमा काठमाडौं उपत्यका अपराध अनुसन्धान कार्यालयले पक्राउ परेका ऋषिप्रकाश योगी, कपिल गिरी, प्रेम कठायत र डिल्लीराज अवस्थीलाई नियन्त्रणमा लिएको हो ।
प्रहरी रिपोर्टका अनुसार, संदिग्धहरूले विभिन्न व्यक्तिहरूलाई डिजिटल वालेटमा पैसा जम्मा गर्न दबाब दिन टिकटक लाइभ स्ट्रिमहरू प्रयोग गर्थे, जसबाट उनीहरूले आर्थिक लाभहरू प्राप्त गर्ने थिए।
प्रहरीका अनुसार ऋषिप्रकाश योगीले १० महिनाको अवधिमा पब्जी र पब्जी टुबाट २८ लाख ७३ हजार ३५४ रुपैयाँ तथा कपिल गिरीले १० दिनको अवधिमा पोकर किङबाट १० लाख ५२ हजार ९६२ रुपैयाँ बराबरको रकम टिकटक लाइभ जुवामार्फत कारोबार गरेको खुलेको छ । त्यस्तै, प्रेम कठायत र डिल्लीराज अवस्थीले प्रेम नामक टिकटक ई–सेवा वालेटमा विभिन्न व्यक्तिलाई रकम जम्मा गर्न लगाई एक महिनाको अवधिमा ९३ हजार २१४ रुपैयाँ बराबरको कारोबार गरेको पाइएको छ ।
पक्राउ परेकाहरुलाई मुलुकी अपराध संहिता २०७४ को दफा १२५ उपदफा १ बमोजिम आवश्यक अनुसन्धान तथा कारबाहीका लागि जिल्ला प्रहरी परिसर ललितपुर, प्रहरी वृत्त जगती थिमीमा बुझाइएको छ ।
यस गिरफ्तारीले सामाजिक सञ्जाल प्लेटफर्महरू, विशेष गरी टिकटमा अवैध जुवाको बढ्दो मुद्दालाई उजागर गरेको छ ।


