साल्ट ट्रेडिङ कर्पोरेशनलाई नेप्सेले गर्यो निलम्बन

Categories:

-

काठमाडौँ,२८ पुष । शेयर कारोवारको क्रममा लाभांश दिने घोषणा गरेपछि नेपाल स्टक एक्सचेन्ज (नेप्से)ले साल्ट ट्रेडिङ कर्पोरेशनको कारोवार निलम्बन गरिदिएको छ । बजारमा कारोबार खुलेपछि बिहान ११ बजेर १३ मिनेटमा मात्र नेप्सेले साल्ट ट्रेडिङ कर्पोरेशनले लाभांश वितरण गर्ने जानकारी पाएपछि यो निर्णय गरेको हो ।

साल्ट ट्रेडिङ कर्पोरेशनको बिहीबार बिहान साढे ८ बजे बसेको सञ्चालक समितिको बैठकले सेयरमा १० प्रतिशत बोनस र करसहित ५ प्रतिशत नगद लाभांश दिने निर्णय गरेको जनाएको छ । तर, कारोबार सुरु हुँदासम्म लाभांश सम्बन्धित निर्णय नेप्सेलाई जानकारी गराएको थिएन ।

फलस्वरूप नेप्सेले साल्ट ट्रेडिङ कर्पोरेशनसँग स्पष्टीकरण मागेको छ र अर्को सूचना नआएसम्मका लागि शेयर कारोबार निलम्बन गरेको छ । नेप्सेले साल्ट ट्रेडिङ कर्पोरेशनलाई ३ दिनभित्र स्पष्टीकरण पेश गर्न पनि निर्देशन दिएको छ ।

कारोबारको क्रममा लाभांश घोषणा गर्ने कम्पनीलाई नेप्सेले यस्तो कारबाही गरेको यो पहिलो पटक भने होइन । विगतमा, एक्सचेन्जले यस्तै कारणले धेरै कम्पनीहरूको व्यापार निलम्बित गरिदिएको थियो ।

नेप्सेलेको नियम अनुसार कम्पनीहरूले व्यापार सुरु हुनु अघि लाभांश लगायतका कुनै पनि ठूला निर्णयहरूको सूचना समयमै दिनुपर्द छ ।

साल्ट ट्रेडिङ कर्पोरेशनको कारोबार स्थगनले कम्पनीका शेयरधनी र लगानीकर्तालाई असर परेको छ । यसले कम्पनी व्यवस्थापनको पारदर्शिता र जवाफदेहिताका बारेमा पनि चिन्ता बढाएको छ ।

प्रतिक्रिया दिनुहोस्
spot_img

भर्खरै

साहित्य