काठमाडौं । नेकपा एकीकृत समाजवादीले आफ्नो पार्टीको तर्फबाट नयाँ मन्त्रीको लागि प्रधानमन्त्री शेरबहादुर देउवालाई बुझाएको छ ।
एकीकृत समाजवादी आइतबार बसेको सचिवालय बैठकले यसअघि सरकारमा रहेका ५ नेतालाई फिर्ता बोलाएर नयाँलाई बनाउन ५ नेताको नाम प्रधानमन्त्री देउवालाई बुझाएको हो ।
एकीकृत समाजवादीका उपमहासचिव डा गंगा तुलाधरले सरकारमा सहभागी गराउन ५ नेताको नाम प्रधानमन्त्री देउवालाई बुझाएको पुष्टि गर्नुभएको छ ।
उपमहासचिव तुलाधरका अनुसार पार्टीले भवानी खापुङ स्वास्थ्य तथा जनसंख्या, जीवनराम श्रेष्ठ संस्कृति, पर्यटन तथा नागरिक उड्डयन, मेटमणि चौधरीलाई शहरी विकास र शेरबहादुर कुँवरलाई श्रम, रोजगार तथा सामाजिक सुरक्षा मन्त्री बनाउनको लागि प्रस्ताव गरिएको छ । हीराबहादुर केसीलाई स्वास्थ्य तथा जनसंख्या राज्यमन्त्री बनाउन प्रस्ताव गरिएको छ ।
प्रतिक्रिया दिनुहोस्


