काठमाडौं । त्रिभुवन अन्तर्राष्ट्रिय विमानस्थलको आन्तरिक टर्मिनलमा शंकास्पद केही वस्तु नभेटिएको विमानस्थलले जनाएको छ। आज (बुधबार) बिहान त्रिभुवन अन्तर्राष्ट्रिय विमानस्थलको आन्तरिक टर्मिनलमा बम रहेको भन्दै अज्ञात व्यक्तिले विदेशबाट २ पटक टेलिफोन आएपछि विमानस्थलमा पुगेका यात्रुहरुलाई बाहिर निकालिएको थियो।
नेपाल प्रहरी, नेपाली सेनाको टोलीले आन्तरिक टर्मिनलभित्र सर्च अप्रेसन गरेपनि त्यहाँ कुनै शंकास्पद वस्तु फेला नपरेको हो। अज्ञात व्यक्तिको टेलिफोन आएपछि बिहान आन्तरिक उडान प्रभावित बनेका थिए।
प्रतिक्रिया दिनुहोस्


