23.1 C
Kathmandu
Sunday, May 26, 2024
- Advertisement -spot_imgspot_imgspot_imgspot_img

‘कांग्रेसले ३, माओवादी केन्द्र, नेकपा एस र जसपाले १/१ महानगर लिनेगरी सहमति हुँदै’ : प्रचण्ड

सम्बन्धित खबर

काठमाडौं। स्थानीय निर्वाचन नजिकिदैं गर्दा सत्तारुढ गठबन्धन दलबिच किचलो बढिरहेको अवस्थामा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले कांग्रेसले ३, माओवादी केन्द्र, नेकपा एस र जसपाले एक/एक महानगरपालिका लिनेगरी सहमति नजिक पुगेका बताएका छन् ।

तर, सत्तारुढ दलहरु बिच देशभरका विभिन्न जिल्लाहरुमा सहमति नै जुट्न भने सकिरहेको छैन । चुनाव नजिकिंदैं गर्दा सत्तारुढ दलहरुले भागवण्डाको टुङ्गो लगाउन नसक्दा देखिएको समस्याका विषयमा अध्यक्ष प्रचण्डले गठबन्धनमा कुनै समस्या नरहेको दावी गरेका हुन् ।

गठबन्धनको बैठकबाट सिधै पत्रकार सम्मेलनमा पुगेका उनले भने–‘कांग्रेसले ३, माओवादी केन्द्र, नेकपा एकीकृत समाजवादी र जसपाले एक÷एक महानगर लिने लाइनमा नै छलफल भएको छ । सम्भवत यही लाइनमा आज साँझसम्म सहमति हुन्छ ।’

कांग्रेसको स्थानीयस्तरबाट केन्द्रको सहमति नमान्ने र त्यसको प्रतिरोध गर्दै चुनावी मैदानमा उठ्ने चेतावनी दिदैं आईरहेको विषयमा उनले यस्तो आवाजलाई स्वभाविक रुपमा लिनु पर्ने बताएका छन् ।

‘एउटै पार्टीमा त एउटा पक्षले टिकट पाएन भने विद्रोह गर्छु भन्ने हुन्छ,’ उनले भने,‘यहाँ त अलग दलबीच गठबन्धन भएको छ । त्यस्तो आवाज आउनु स्वाभाविक हो । गठबन्धन भएपछि विस्तारै यसलाई पार्टीहरुको र जनसमर्थन पनि प्राप्त हुँदै जान्छ ।’

प्रतिक्रिया दिनुहोस्

Ratosurya TV
खबर छर्लंङ्ग

भर्खरै

विशेष