काठमाडौँ। फ्लाई दुबइको उडान हुँदै काठमाडौँबाट दुबइ जान लागेका भारतीय नागरिक स्रोत नखुलेको ठूलो मात्राको रकमसहित पक्राउ परेका छन् ।
त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थान एरियामा चेकजाँचक्रममा भारतीय नागरिक इसाक खान इब्राहिम खान विभिन्न देशका रकमसहित पक्राउ परेका हुन् ।
उनीबाट १५ हजार अमेरिकी डलर, ६ सय १० साउदी रियाल, ३६ ओमानी रियाल, ९ सय २० दिराम र २ हजार भारतीय रुपैयाँ बरामद भएका छ । खानलाई थप अनुसन्धान र कानुनी कारबाहीका लागि राजश्व अनुशन्धान विभाग हरिहर भवन ललितपुरमा बुझाइएको छ ।
प्रतिक्रिया दिनुहोस्
