काठमाडौं । नेपाल चामल तेल दाल उद्योग संघले नेपालमा उत्पादित चामलले बजार नपाएको भन्दै चामल आयातमा १५ प्रतिशत भन्सार महसुल लगाउन सरकारसँग आग्रह गरेको छ ।
संघका पदाधिकारीहरूले भन्सार विभागका महानिर्देशकलाई मंगलबार भेटेर धान आयातमा १ प्रतिशत कर लगाउन माग गरेका हुन् । साथै नेपाली रातो बासमतीको बजारीकरणमा सरकारले ध्यान दिनुपर्ने उनीहरूको माग छ ।
त्यस्तै मुसुरो दालमा लगाइएको १ प्रतिशत निकासी शुल्क रहँदा नेपालको मुसुरो दाल बंगलादेश निर्यात रोकिएकाले त्यसलाई प्रतिकिलो ५० पैसामा झार्न माग गरेका छन् ।
साथै तोरी तेलमा लाग्दै गरेको मूल्य अभिवृद्धि कर धेरै भएककाले तोरी तेलका उद्योग बन्द हुने अवस्थामा पुगेको भन्दै दैनिक जीवनमा काम लाग्ने खाद्यवस्तुमा ५ प्रतिशत मात्र कर लगाउनुपर्ने उनीहरूको माग छ ।
प्रतिक्रिया दिनुहोस्
