काठमाडौं । हिमालयन जनरल इन्स्योरेन्स कम्पनी लिमिटेडले २८ औँ वार्षिक साधारण सभा सम्पन्न भएको छ । इन्स्योरेन्स कम्पनीको सभा सोमबार केन्द्रिय कार्यालय, थापागाँउ, काठमाडौँमा सम्पन्न भएको हो ।
इन्स्योरेन्सको सभाले गत आर्थिक वर्षको मुनाफाबाट शेयरधनीहरूलाई हाल कायम चुक्ता पूँजीको ६.६५ प्रतिशत बोनस शेयर र कर प्रयोजनार्थ ०.३५ प्रतिशत नगद गरी कूल ७ प्रतिशत लाभांश वितरण गर्ने प्रस्ताव पारित गरेको छ ।
सभामा आर्थिक वर्ष २०७७–७८ को नाफा नोक्सान लगायत अन्य प्रतिवेदन, चालु आर्थिक वर्ष २०७८–७९ को लागि लेखापरीक्षक नियुक्ति र पारिश्रमिक निर्धारण गर्ने प्रस्ताव पारित गरेको छ ।
साथै अन्य कुनै कम्पनीलाई प्राप्ती वा एक आपसमा गाभिने प्रयोजनको लागि अख्तियार प्राप्त निकायबाट अन्तिम स्वीकृति लिने र संचालक समितिलाई पूर्ण अख्तियारी प्रदान गरेको छ ।
इन्स्योरेन्सको २८ औँ वार्षिक साधारण सभा संचालक समिति अध्यक्ष महेन्द्र कृष्ण श्रेष्ठको अध्यक्षतामा भएको हो । सभामा हालको बीमा बजारलाई दृष्टिगत गर्दै कम्पनीको शाखा कार्यालयहरु तथा डिजिटल प्रविधिको थप विस्तार गरी एक अब्बल सेवा प्रदायक बन्ने उनले बताए ।
आर्थिक वर्ष २०७७–७८ मा खुद प्रिमियम तर्फ ६.४० प्रतिशत बृद्धि भएको छ भने बीमा कोष ५६ करोड १९ लाख रुपैयाँबाट बढेर ६१ करोड ७० लाख रुपैयाँ पुगेको छ । साथै रिटेन्ड अर्निङ्ग ७ करोड ८० लाख बाट बढेर ८ करोड ३० लाख रुपैयाँ पुर्याउन सफल भएको छ । इन्स्योरेन्सको सभाले बोनस शेयर पारित गरेपश्चात चुक्ता पुँजी १ अर्व १७ करोड रुपैयाँ पुगेको छ ।
