निम बहादुर ओलीको : नसुनाउ मलाई बिदाइका शब्दहरू 

-

नसुनाउ मलाई बिदाइका शब्दहरू 

आउनै हुँदैन स्मरणमा, मुटु भक्कानियर आउँछ ।
बिदानदेउ बनपाखा खोलानाला ह्रदयले भन्दैछ ।।

तिम्रै काख, प्यारो छ मलाई, अमृतनै पिएको छु ।
तिम्रै छातिमा, उफ्रन पाउँदा, स्वर्गनै सम्झेको छु ।।

मेटिएको छैन नियास्रो, उकाली ओह्राली गर्नलाई ।
एक महिना एकदिन जस्तो, दिव्यअमृत लिनलाई ।।

चह्राएको छ ह्रदय, नपताए हेर ! चिरेर देखाउँछु ।
बिदाइका स्वर, नसुनाउ मलाई, मनमनै रोइदिन्छु ।।

देखिने घाउ, चिकित्सक उपचार, निको हुन्छ हो ।
प्रच्छन्न घाउलाई, शीतल पार्ने मलाम कुन….हो ? ।।

भन्छन् चराचरजगत, पटक यस खुशी मनले जाउ ।
मिल्नसाथ अनुकूलता, नाच्दै नाच्दै जन्म घर आउ ।।

समाउँदै छु गोरेटो, अमिलो मन, गन्तव्य भेट्नलाई ।।
ह्रदयङ्गम गरी, भाैतिक जीवन, दुखसुख साट्नलाई ।। – २

निम बहादुर ओली
कपन, काठमाडौं ।

प्रतिक्रिया दिनुहोस्
spot_img

भर्खरै

साहित्य