व्यवसाय साझेदारीमा दरार आएपछि नेपाल टाइम्सका सञ्चालकहरुले सुरुगरे कानुनी लडाई : आरोप अपहरण र फिरौती मागेसम्मको

-

विराटनगर, १९ पुष । विराटनगरका व्यापारी अब्दुल खत्ताबले आफ्ना व्यवसायी साझेदार  अरुणकुमार राठीलाई अपहरण गरी फिरौती मागेको आरोप लगाएका छन्  । राठीका अनुसार मङ्सिर १३ गते  खताबले उनलाई फोन गरेर भिडियो बनाउने प्रस्ताव राखेका थिए । भोलिपल्ट राठी भिडियो खिच्न गएको बेला खत्ताबले उनलाई अपहरण गरेको आरोप छ । त्यसपछि आफूलाई बन्धक बनाएको र रिहाइको बदलामा १५ लाख  खत्ताबले फिरौती मागेको राठीको दाबी छ।

विराटनगरको चर्चित सञ्चारमाध्यम नेपाल टाइम्सका सञ्चालक खत्ताबले आरोप अस्वीकार गर्दै आफुविरुद्धको षड्यन्त्रमा राठी संलग्न रहेको दाबी गरेका छन् । व्यवसायकै विषयमा दुई पार्टनर बिचको सम्बन्धमा दरार आएको र राठीले नेपाल टाइम किन्ने अफर गरेका थिए । ‘कि किनिदिन्छु, कि सकिदिन्छु भन्नुभएपछि, मैले पनि पूरै किन्न पनि दिन्न  झन् दिँदै दिन्न’ भनेको थिएँ ।” खत्ताबको दाबी छ कि उनले प्रस्ताव अस्वीकार गरेको कारण उनि विरुद्ध षड्यन्त्रको शृंखला भयो।

सानै उमेरमा मिडिया निर्देशकका रूपमा खत्ताबको सफलताका कारण खत्ताब विरुद्ध राठीले लगाएको आरोपले नेपाल र विदेशमा निकै चर्चा पाहि रहेको छ । उनले केही वर्षअघि मात्र सुरु गरेको नेपाल टाइम्स अहिले देशभित्र र अन्तर्राष्ट्रिय रूपमा लोकप्रिय र व्यापक रूपमा हेरिने मिडिया आउटलेट हो। मिडिया कम्पनीले नेपाल टाइम्स टप ५० बुलेटिन र नेपाल टाइम्स ट्रेन्डिङलगायत विभिन्न भिडियो रिपोर्टहरू उत्पादन गर्छ, जसलाई हरेक दिन लाखौं मानिसहरूले हेर्छन्।

खत्ताबको मिडिया कम्पनीको सफलताले देखेपछि  अरुण कुमार राठीले  करिब २ वर्ष अगाडि नेपाल टाइम्स मिडिया प्रालिको २० प्रतिशत शेयर २० लाख रुपैयाँमा खरिद गरेको  र उनका उत्पादनलाई नेपाल टाइम्सले प्रचार पनि गरेको बताइएको छ । तर, अहिलेको आरोपका कारण खत्ताब र राठीबीचको सम्बन्ध खत्तम भएको देखिन्छ ।

 यस घटनाको  विराटनगर प्रहरीले प्रारम्भिक अनुसन्धान पूरा गरेको छ । यो मुद्दा अब अदालत  बहसको लागि अगाडि बढ्नेछ, जसमा दुबै पक्षका वकिलहरूले आफ्नो तर्क प्रस्तुत गर्नेछन्।

खताबले प्रहरी अनुसन्धानप्रति चिन्ता व्यक्त गर्दै अदालतमा आफू निर्दोष पाइने विश्वास व्यक्त गरेका छन् ।

अधिकारीहरूले यस विषयमा राम्ररी अनुसन्धान गर्न र अदालतले निर्णयमा पुग्नु अघि सबै प्रमाणहरू ध्यानपूर्वक विचार गर्न महत्त्वपूर्ण छ।

कथित अपहरणको घटनाले विराटनगर र बृहत् क्षेत्रमा व्यापार साझेदारीको सुरक्षामा प्रश्न र चिन्ता खडा गरेको छ भने मुद्दाको नतिजाले खत्ताब, राठी र विराटनगरका व्यवसायी समुदायलाई  महत्वपूर्ण प्रभाव पार्नेछ।

प्रतिक्रिया दिनुहोस्
spot_img

भर्खरै

साहित्य